Elimizde 200 myńǵa jýyq tehnıka óndirilse de, mınıstrdiń úıinde qazaqstandyq ónim joq

<p>&nbsp; ASTANA. KAZINFORM &ndash; Ónerkásip jáne qurylys mınıstri Qanat Sharlapaev Úkimet otyrysynan keıin ótken baspasóz máslıhatynda Qazaqstanda shyǵarylatyn turmystyq tehnıkanyń bir danasyn ǵana alyp kórgenin aıtty.</p>

«Meniń úıimde osyndaı tehnıka joq. Biraq Dauscher óndirgen tehnıkany onyń ishinde qysqa tolqyndy peshti týǵan-týysymnan syılyqqa aldym», - dedi vedomstvo basshysy jýrnalıstiń suraǵyna bergen jaýabynda.

Sondaı-aq, atalǵan tehnıkany naqty ózi emes, jubaıy satyp alǵanyn naqtylady.

«Tehnıka óndirilip jatyr. Ózińiz bilesiz, zaýyttarǵa jýrnalıster bardy. Mysaly, Almaty turmystyq tehnıka zaýyty bar. Kásiporyn ónimniń kólemin arttyryp jatyr. 700 myńǵa jýyq tehnıka kelesi jyly óndiriledi. Mınıstr retinde meniń jumysym osyndaı kásiporynǵa múmkindik jasaý. Sodan keıin ony qalaı satady? Bul zaýyttaǵy marketıng departamentiniń jumysy. Bıyl 9 aıdyń qorytyndysy boıynsha Qazaqstanda 200 myńǵa jýyq tehnıka óndirilgen. Bul buryn sońdy bolmaǵan. Siz ony qaı jerden satyp alasyz, ony ózińiz bilesiz», - dedi Qanat Sharlapaev.