Elimizde 1,8 mln adamnyń jalaqysy ósti

<p>Memleket basshysynyń tapsyrmasyn iske asyrý maqsatynda búginnen bastap elimizde eń tómen jalaqy mólsheri 70 000 teńgeden 85 000 teńgege deıin ulǵaıdy, dep habarlaıdy <a href="https://kaz.inform.kz/" target="_blank" rel="noopener">Kazinform</a>.</p>

Eńbek kodeksine sáıkes jumys berýshiler jumyskerlerge eńbekaqyny eń tómen jalaqydan tómen bolmaıtyn deńgeıde qamtamasyz etýge mindetti.

Osyǵan oraı 85 myń teńgege deıin jalaqy alatyn túrli menshik nysanyndaǵy kásiporyndardyń barlyq salasynda jumys isteıtin 1,8 mln-ǵa jýyq jaldamaly jumyskerdiń, onyń ishinde bıýdjet salasyndaǵy 350 myń qyzmetkerdiń aqshalaı kirisi ósedi.

Birinshi kezekte eń tómen jalaqyny arttyrý «aılyǵy az» qyzmetkerlerge qatysty bolady.

Ekinshiden, jalaqy deńgeıin belgileý kezinde eń tómen jalaqy kórsetkishin paıdalanatyn jumys berýshiler razrıadaralyq biliktilik júıesin eskere otyryp, qyzmetkerlerdiń basqa sanattarynyń jalaqysyn qaıta qaraıdy.

Esterińizge sala keteıik, eń tómen jalaqy eńbek salasyndaǵy eń tómen áleýmettik standart sanalady jáne jyl saıyn tıisti qarjy jylyna sáıkes Respýblıkalyq bıýdjet týraly zańmen belgilenedi.