Elimizde 1,5 myń tereńdiktegi altyn men mys ken oryndaryn zertteý qolǵa alynady
- Elimizde sońǵy geofızıkalyq jumystar jarty ǵasyr buryn júrgizilgen. Zamanaýı geofızıkalyq jumystar - eń aldymen aerogeofızıkalyq zertteý jer qoınaýynyń qurylymy týraly sapaly aqparatty jyldam ázirleýdiń birden-bir ádisi sanalady. Pılottyq joba aıasynda Qazaqstannyń perspektıvaly óńirlerin, onyń ishinde Soltústik Balqash jáne Qalba-Narym aımaǵyn qamtý kózdelip, jańa perspektıvalyq aýmaqtar anyqtalatyn bolady, - dedi ol.
Mınıstrdiń atap ótýinshe, geologııalyq derekterdi tsıfrlandyrý aıasynda jasandy ıntellekti jáne aqparatty óńdeýdiń ınnovatsııalyq ádisterin qoldaný josparlanǵan. Jasandy ıntellekt elimizdiń jer qoınaýy týraly aqparatty jyldam óńdep, derekterdi tıimdi taldaýǵa múmkindik beredi.
Osy jyldyń mamyr aıynda Taý-Ken Samuryq jáne Ivanhoe Electric arasynda birlesken geologııalyq barlaý júrgizý úshin yntymaqtastyq týraly kelisim jasaldy. Ivanhoe Electric geofızıka boıynsha álemdegi kóshbasshylardyń biri. Kompanııa oılap tapqan Typhoon tehnologııasy arqyly mys, altyn jáne kúmis ken oryndaryn 1,5 shaqyrym tereńdikte zertteý júrgiziletin bolady, - dedi Qanat Sharlapaev.
Buǵan deıin Qanat Sharlapaev qandaı paıdaly qazbalar boıynsha geologııalyq barlaý júrgizý qajettigin aıtty