Elimizde 1-2 mamyrda jańbyr jaýyp, kún sýytady

<p>ASTANA. KAZINFORM &ndash; &laquo;Qazgıdromet&raquo; RMK 1-2 mamyr kúnderiniń Qazaqstandaǵy aýa raıy boljamyn jarııalady. Respýblıkanyń soltústiginde, shyǵysynda, ońtústik-shyǵysynda jáne ortalyǵynda túnde qar aralas jańbyr jaýýy yqtımal, kún kúrkirep, ońtústik-shyǵysta burshaq jaýady.</p>

«Qazgıdromet» RMK baspasóz hatshysy Alına Ysmaǵulovanyń aıtýynsha, Qazaqstanda 1-2 mamyrda ekpindi jel soǵyp, túnde soltústik jáne shyǵys oblystarda tuman túsedi.

«Skandınavııa aımaqtarynan soqqan antıtsıklonnyń áserinen soltústik, shyǵys jáne ortalyq oblystarda aýa temperatýrasy túnde -5 gradýsqa deıin kúrt tómendeıdi, 1-6 gradýs aıaz bolady, kúndiz +5-13 gradýs jyly bolady», - dep habarlady Ortalyq kommýnıkatsııalar qyzmetinde ótken brıfıngte A.Ysmaǵulova.

Onyń atap ótýinshe, aýa temperatýrasynyń túnde 2-7 gradýsqa deıin, aıaz 2 gradýsqa deıin, kúndiz 15-25 gradýsqa deıin tómendeýine yqpal etken sýyq aǵyndar birtindep respýblıkanyń ońtústik aımaqtaryna aýysady.