Elmıra Syzdyqova Azııa chempıonatynyń qola júldegeri atandy

<p>ASTANA. KAZINFORM - Bishkekte kúres túrlerinen ótip jatqan Azııa chempıonatynda búgin áıelder quramasynyń úzdigi Elmıra Syzdyqova qola júldeni qanaǵat tutty.</p>

76 keli salmaqta synǵa túsip júrgen otandasymyz Syzdyqova osymen tórtinshi márte Azııa chempıonatynyń qola júldegeri atanyp otyr. Ol 2014, 2021 jáne 2023 jyly da Saryqurlyq birinshiliginde týra osylaı úzdik úshinshi orynnan kóringen edi.

Syzdyqova qola medal úshin kúreste úndistandyq Prııany jeńdi. Ol atalǵan dodanyń jartylaı fınalynda qyrǵyzstandyq Aıperi Medetqyzynan utylyp qaldy. 

Búgin sondaı-aq taǵy bir balýan qyzymyz Zýlfııa ıAhıarova úshinshi oryn úshin kúreste qarsylasyna jol berdi. 

Esterińizge sala keteıik, osyǵan deıin Qyrǵyzstanda kúres túrlerinen ótip jatqan Azııa chempıonynda erkin kúres sheberleri 1 altyn, 2 kúmis, 1 qola medalmen jalpy esepte 4-ornǵa ıe bolǵanyn jazǵan bolatynbyz.