Elızabet Tursynbaeva Gran-prı dodasyn Kanadadan bastamaq
08:36, 03 Shilde 2018
ASTANA. QazAqparat - Halyqaralyq konkımen júgirýshiler Odaǵy 2018/2019 jylǵy maýsymǵa arnalǵan Gran-prı týrnırleriniń kestesi men qatysýshylaryn jarııalady, dep habarlaıdy QazAqparat tilshisi.
QR UOK baspasóz qyzmeti taratqan málimetke súıensek, qazaqstandyq mánerlep syrǵanaýshy Elızabet Tursynbaeva Gran-prı dodasyn Kanadadan bastaıdy. Ol 26-28 qazan kúnderi ótetin Scate Canada týrnırinde baq synaıdy.
Sondaı-aq, Elızabet Reseıde ótetin «Rostelekom» kýbogynda da júldege talasyp kórmekshi.
Kelesi maýsymda Gran-prı týrnıri alty memlekette ótedi dep josparlanǵan. Eske sala keteıik, Tursynbaeva jańa maýsymdy jańa bapkerdiń qolastynda bastaıdy. Qazaqstandyq sportshyny kanadalyq Braıan Orser jattyqtyryp júr.