«Elimniń taǵdyry - meniń taǵdyrym!»: Qazaqstannan ekinshi Otanymdy tapqanym úshin de taǵdyryma alǵysymdy aıtamyn - V Sycheva
Bul týraly «Nazarbaev ortalyǵy» memlekettik mekemesiniń baspasóz qyzmeti habarlady.
Jyl saıynǵy «Elimniń taǵdyry - meniń taǵdyrym!» respýblıkalyq forýmynyń aıasynda ótkizilgen is-sharanyń basty maqsaty - óz aýdanynyń qalyptasýy men júıeli damýyna, sol arqyly tutastaı táýelsiz Qazaqstannyń damýyna súbeli úles qosqan aýdan turǵyndarynyń jetistikteriniń tarıhyn aıqyndap, kórsetý boldy.
Qaraǵandy oblysyndaǵy Qarajal qalasynda beıbit kúnniń batyrlary sanatynda - «Qurmet belgisi» ordeni ıegeri, Qarajal qalasynyń Qurmetti azamaty Ońal Shaıhın, «Ardagerler uıymy» respýblıkalyq qoǵamdyq birlestigi Qarajal qalalyq fılıalynyń tóraıymy Valentına Sycheva, Tilderdi damytý men mádenıet bóliminiń bas mamany Sholpan Jumabaeva, «Jaırem» ken baıytý kombınaty» AQ janyndaǵy jastar isi jónindegi keńes tóraǵasy Ashat Soltybaev, «Nur Otan» HDP qalalyq fılıaly «Jas Otan» JQ atqarýshy hatshysy Aqjol Qurmanseıitov, Dzıýdodan Azııa chempıony, Eýropa kýbogynyń ıegeri, Qarajal qalasynyń maqtanyshy Artem Kım boldy.
«Qazaqstannan ekinshi Otanymdy tapqanym úshin de taǵdyryma alǵysymdy aıtamyn, osy jerde balalarym ósip, bilim alyp, jetilip, óz ǵumyrlaryn Qazaqstannyń taǵdyrymen baılanystyrdy, qoǵamnyń paıdaly azamaty bolǵandyǵy da Qazaqstanda óz ómiriniń qojasy bolýdy qalaıtyn adamnyń ózin ózi jetildirip, kórsetýge barlyq jaǵdaı jasalǵan, - dedi V Sycheva. - Osynyń bárinde de bar sanaly ǵumyryn Qazaqstandy, ondaǵy halyqty, bolashaǵyn kórkeıtip, gúldendirýge arnaǵan kóshbasshymyz Nursultan Nazarbaevtyń zor eńbegi jatyr».
«Men qaıta qurý jyldary jáne táýelsizdik alyp, basqarýdyń jańa mehanızmine aýysyp jatqan kezeńdegi jastardyń ókilimin. Ata-anam sol kezderdiń aýyr qıyn kezderin eske alady, jalaqy tólenbeı, dúkendegi azyq-túlik sóreleri bosap, KSRO-ǵa jetetin shıkizat bazasynyń óndirisi toqtap, qırap qalǵan edi. Osyndaı buralań joldardan ótip, búginge jetken memleketimiz júıeli soqpaqty tapty, halyqtyń kóz aldynda qarttarmen qatar, jastar úshin de jarqyn bolashaqtyń kepili aıqyndaldy», - dedi óz sózinde Ashat Soltybaev.