Elimizge týrızm jónindegi mınıstrlik kerek - sarapshy

ASTANA. QazAqparat – Qaladaǵy týrızmdi damytý ortalyǵy qaýymdastyǵynyń dırektory Tatıana Vernıtskaıa elimizdiń týrızm salasynda jańa múmkindikterge nazar aýdarý kerek ekenin aıtty, dep habarlaıdy QazAqparatt tilshisi.

«Týrızm salasyn damytyp jatqan elderdi qarasaq, bul memleketterdiń barlyǵynda týrızm mınıstrligi bar. Ár ákimdikte týrızm basqarmasy bolýy kerek. Bul turǵyda osy salaǵa qatysty tıisti bilimi bar adamdar jumys isteýi tıis», - dedi T. Vernıtskaıa agenttik tilshisiniń suraǵyna jaýap bere otyryp.

Osy oraıda, ol Qazaqstanda týrızmdi damytý áleýeti joǵary ekenin aıtty.

«Bizde Kaspıı teńizi, Balqash bar. Elimizde týrızmdi damytatyn keremet óńirler az emes. Alaıda, demalys oryndarynda qoıylǵan baǵa tym qymbat. Sondyqtan, qonaqúılerge týrısterdiń kóptep aǵylýyn qamtamasyz etýimiz kerek. Biz adamdardy toptastyryp jibergen kezde, qonaqúı ıeleri únemi baǵany tómendetýge kelisetinin bilemiz», - dedi T. Vernıtskaıa agenttik tilshisiniń suraǵyna jaýap bere otyryp.

Onyń sózine qaraǵanda, elimiz óńirlerindegi klımatty eskere otyryp, týrızm salasyndaǵy jańa múmkindikterdi qarastyrýǵa bolady.

«Bizde tek jaz aılarynda ǵana demalýǵa bolady degen pikir bar. Atap aıtqanda, Býrabaıǵa adamdar jazda baryp, qys kezinde týrıster azaıyp ketedi. Onda qysta da demalys kúnin jaqsy ótkizýge bolady. Astanada da dál osyndaı jaǵdaı», - dedi sarapshy.

Budan buryn habarlanǵandaı, Tatıana Vernıtskaıa Qazaqstanǵa qaı elderdiń týrısteri kóptep kelýi múmkin ekenin aıtty.