Elimizge negizinen Qytaı, Úndistan, Túrkııa jáne Ózbekstannan jumysshylar kóp keledi

ASTANA. QazAqparat - 1 qyrkúıekteshi jaǵdaı boıynsha jergilikti atqarýshy organdardyń ruqsatymen Qazaqstan aýmaǵynda 15524 shetel azamaty eńbek etedi, dep habarlaıdy QazAqparat.

Shetel jumys kúshin tartýǵa ruqsattyń arasynda mynadaı sanattar bar: basshylar men olardyń orynbasarlary úshin 594 ruqsat (birinshi sanat), qurylymdyq bólimshe basshylary úshin 3 901 ruqsat (ekinshi sanat).

Tartylǵan eńbek kúshiniń negizgi bóligi úshinshi (mamandar) jáne tórtinshi (bilikti jumysshylar) sanattarǵa jatady – tıisinshe olar 8 894 jáne 911 adam.

Sondaı-aq maýsymdyq jumystarǵa 1 430 adam, al korporatıvtik aýystyrý aıasynda 1 604 adam tartyldy.

Qazirgi ýaqytta Qazaqstanda sheteldik jumys kúshin paıdalanatyn 1 748 jumys berýshi bar.

Onda 400 myńnan astam Qazaqstan azamaty jumys isteıdi, bul - qyzmetkerlerdiń jalpy sanynyń 96%.

Ekonomıkalyq qyzmet túrleri boıynsha eń kóp jumys isteıtinder qurylys salasynda – 6 139 adam (40%); taý-ken ónerkásibi jáne karer qazý – 1 489 adam (10%); aýyl, orman jáne balyq sharýashylyǵy – 1 256 adam (8%); kásibı, ǵylymı jáne tehnıkalyq qyzmet – 1 158 adam (8% ); óńdeý ónerkásibi – 1 154 adam (8%).

Eńbek mıgranttary keletin negizgi elder: Qytaı – 3 576 adam, Úndistan – 1 740 adam, Túrkııa – 1 701 adam, Ózbekstan – 1 535 adam, Ulybrıtanııa – 1 127 adam.

Іshki eńbek naryǵyn qorǵaý maqsatynda QR Eńbek jáne halyqty áleýmettik qorǵaý mınıstrligi jyl saıyn respýblıkaǵa shetel mamandaryn tartýǵa kvota belgileıdi jáne bóledi.

Osy jylǵy qańtarda iri otandyq bıznes ókilderimen kezdesý qorytyndysy boıynsha Memleket basshysynyń bergen tapsyrmasyn oryndaý úshin mınıstrlik shetel jumys kúshin tartýǵa arnalǵan kvotany buryn josparlanǵan 28 352 birlikten 23 560 birlikke deıin, ıaǵnı 4 792 adamǵa (16%) qysqartty.