Elimizge kólikpen bıdaı ımporttaýǵa tyıym salynbaq

ASTANA. QazAqparat – Qazaqstan aýmaǵyna kólikpen bıdaı ımporttaýǵa shekteý engizilýi múmkin. Bul týraly «Ashyq» NQA portalynda jarııalanǵan Aýyl sharýashylyǵy mınıstriniń buıryǵynda jazylǵan, dep habarlaıdy QazAqparat tilshisi.

«Qazaqstan Respýblıkasynyń aýmaǵyna avtomobıl kóligimen tuqymdyq bıdaıdy qospaǵanda, bıdaı ımporttaýǵa alty aıǵa tyıym salynsyn. Osy buıryqtyń oryndalýyn baqylaý jetekshilik etetin QR Aýyl sharýashylyǵy vıtse-mınıstrine júktelsin», - delingen Aýyl sharýashylyǵy mınıstriniń buıyryǵynda.

Qujat 5 sáýirge deıin kópshilik talqylaýda bolady.

Eske sala keteıik, buǵan deıin elimizdiń aýmaǵynan kólikpen tyńaıtqyshtardy áketýge jarty jylǵa tyıym salynýy yqtımal ekenin habarlap edik.

Buǵan qosa, Qazaqstan aýmaǵynan iri qara men usaq maldy (urǵashy) áketýge tyıym salynýy múmkin.

Sonymen qatar, el aýmaǵynan muzdatylǵan jaıyn men kókserke balyqtaryn eksporttaýǵa shekteý engizildi.

1