Elimizdiń tórt aımaǵynda ortasha qurǵaqshylyq boljanady

ASTANA. QazAqparat – Aldyn ala boljam boıynsha, maýsymda Qazaqstannyń basym bóliginde ylǵaldylyq normaǵa jaqyn bolady, dep habarlaıdy QazAqparat «Qazgıdromet» RMK-ǵa silteme jasap.

«Sonymen qatar, temperatýralyq fonnyń joǵarylaýymen ylǵaldy aýmaqtardyń aýdany qysqarady, al ylǵal tapshylyǵy bar aýmaqtar ulǵaıady. Aqtóbe oblysynyń Áıteke bı aýdanynda, Qostanaı oblysynyń Amangeldi jáne Jangeldi aýdandarynda, Qyzylorda oblysynyń Qarmaqshy aýdanynda ortasha qurǵaqshylyq bolýy múmkin», - delingen sınoptıkter boljamynda.