Elimizdiń teńiz porttaryndaǵy júk aınalymy 12%-ǵa ulǵaıdy

ASTANA. QazAqparat - Otandyq teńiz porttaryndaǵy júk aınalymy 12%-ǵa ulǵaıdy, dep habarlaıdy QazAqparat QR Indýstrııa jáne ınfraqurylymdyq damý mınıstrliginiń baspasóz qyzmetine silteme jasap.

«Kaspıı teńizinde júk tasymalyn damytý máselesine toqtalatyn bolsaq, qazaqstandyq teńiz porttaryndaǵy júk aınalymy 12%-ǵa ulǵaıǵandyǵyn aıta ketken oryndy.

Osylaısha 2023 jylǵy qańtar-tamyz aralyǵynda Aqtaý jáne Quryq teńiz porttary arqyly tasymaldanatyn júk aınalymynyń ósimi 12%-dy qurady»,-delingen habarlamada.

Aıta keterligi, Transkaspıı halyqaralyq kólik baǵdary boıynsha ósim 80 paıyzǵa jetip otyr. Onyń ishinde, munaıdy aýystyryp tıeý boıynsha eń joǵary ósim – 53%, sondaı-aq parommen tasymaldaý – 12%.

Bıyl qyrkúıek aıynda Abu Dhabi Ports Group qatysýymen qazaqstandyq Semurg Invest kompanııasy salǵan Quryq portyndaǵy jańa termınaldan astyqtyń birinshi partııasyn jóneltý josparlanyp otyr.