Elimizdiń temir jol salasynda biryńǵaı qazaqstandyq vagondar qoldanylatyn bolady - Indýstrııa jáne saýda mınıstrligi
«Mundaı vagondar elimizde qazirden bastap-aq shyǵarylýda. Al aldaǵy ýaqytta biz respýblıkada vagon shyǵaratyn birneshe zaýyt salýdy josparlap otyrmyz», dedi Indýstrııa jáne saýda vıtse-mınıstri Erhat Esqalıev.
Bul týraly ol búgin Parlament Májilisinde qazaqstandyq úles máselelerine baılanysty zań jobasynyń tanystyrylý rásiminde málim etti, dep habarlaıdy QazAqparat.
Onyń derekterine qaraǵanda, elde salynatyn zaýyttardyń qurylysy sátimen aıaqtalatyn bolsa, onda shyǵarylatyn ónimder
ishki naryqtyń qajettiligin tolyǵymen qanaǵattandyrady. «Basqasha aıtqanda, bizde 100 paıyz qazaqstandyq úlesten turatyn vagondar paıda bolady. Qazirgi tańda bul maqsatty keshendi sharalar atqarylýda. «Qazaqstan temir joly» ulttyq kompanııasy men Indýstrııa jáne saýda mınıstrligi eldegi zaýyttardyń jańarýyna barynsha qoldaý kórsetip otyr. ıAǵnı biz naqty maqsattar boıynsha júıeli jumystar júrgizýdemiz», dedi vıtse-mınıstr.