Elimizdiń syrtqy ister mınıstrligi Qazaqstannyń BUU Qaýipsizdik keńesine músheligine ulttyq joba mártebesin bermek nıette
«Ótinimniń saıası mańyzdylyǵyn ári Memleket basshysynyń maquldaýyn eskere otyryp, biz EQYU-ǵa tóraǵalyǵymyzǵa balama bul naýqanǵa ulttyq joba mártebesin bergimiz keledi», - dedi ol.
Onyń atap ótýinshe, Qazaqstannyń 2017-2018 jyldary BUU Qaýipsizdik keńesiniń turaqty emes múshesi bolyp saılanýy álemdik qoǵamdastyqtyń nazaryn Ortalyq Azııa óńirindegi ótkir problemalarǵa jáne olardy sheshýge aýdarýǵa, Qazaqstannyń halyqaralyq bastamalaryn alǵa bastyrtýǵa, Eýrazııalyq keńistiktegi turaqtylyq pen qaýipsizdik faktory retindegi elimizdiń oń ımıdjin qalyptastyrýǵa múmkindik beredi. Bul organǵa saılaý 2016 jyldyń kúzinde ótedi. Sondyqtan E.Ydyrysov Senat depýtattarynan parlamenttik birlestikter qyzmeti aıasynda jáne sheteldik áriptestermen kezdesý barysynda Qazaqstan kandıdatýrasyn belsendi túrde alǵa jyljytýdy ótindi.