Elimizdiń oqýshylary Jeńistiń 70 jyldyǵyna arnalǵan shyǵarmalar saıysyna qatysady

ASTANA. QazAqparat - Bıylǵy qyrkúıek aıynda Uly Otan soǵysyndaǵy Jeńistiń 70 jyldyǵyna arnalǵan oqýshylar arasyndaǵy shyǵarmalar konkýrsy bastalady. Bul týraly búgin «Qazaqstan oqýshylary patrıotızm týraly» atty shyǵarmalar jınaǵynyń tusaýkeserinde ál-Farabı atyndaǵy QazUÝ ıÝNESKO ortalyǵynyń dırektory Láılá Ahmetova aıtty.

«1 qyrkúıekten bastap biz oqýshylar arasynda Uly Otan soǵysyndaǵy Jeńistiń 70 jyldyǵyna arnalǵan shyǵarmalar saıysyn jarııalaımyz. Ol dástúr boıynsha Astana qalasy ishki saıasat basqarmasynyń qoldaýymen ótedi. Keler jyldyń sáýirinde qorytyndysyn shyǵaramyz. Sońynda úzdik shyǵarmalardyń basyn qosyp, úlken jınaq qylyp shyǵaratyn bolamyz», - dep atap ótti ol.

Professordyń aıtýynsha, atalǵan konkýrstyń basty maqaty óskeleń urpaqtyń boıynda patrıottyq sezim qalyptastyryp, atalarymyzdyń erligin nasıhattaý, Otanǵa degen qurmetti kúsheıtý.

Konkýrs týraly málimetterdi myna saıttan qaraýǵa bolady: www.unesco-kaznu.ucoz.kz