Elimizdiń qaı óńirlerinde oqýshy orny tapshy
Bul týraly «Jaıly mektep» ulttyq jobasynyń qaǵıdalary men talaptaryn bekitý úshin usynylǵan qujatta kórsetilgen, dep habarlaıdy QazAqparat tilshisi.
«Orta bilim berý salasyndaǵy eń ózekti másele - iri qalalarda oqýshy oryndarynyń turaqty tapshylyǵy bolyp keledi. Táýelsizdik jyldarynda elimiz boıynsha mektepter jelisi 1,4 myń birlikke (9 myńnan 7,6 myńǵa deıin) qysqardy. Búgingi tańda bilim alýshylar kontıngenti 3,7 mln-ǵa jetti. Onyń 2,2 mln-y qalalardaǵy mektepterde, 1,5 mln aýyldyq mektepterde. Jalpy respýblıka boıynsha 2022 jylǵa oqýshy oryndarynyń tapshylyǵy 270 myńdy quraıdy. Onyń ishinde qalada – 167 myń, aýylda – 96 myń oryn tapshy.
Tapshylyq boıynsha eń ótkir jaǵdaı bes óńirde. Olar – Astana, Almaty jáne Shymkent qalalary men Túrkistan, Almaty oblystary. Bul aımaqtardy oqýshy oryndarynyń tapshylyǵy jalpy kórsetkishten 59 paıyzǵa kóp. ıAǵnı, 159 myń oryn jetispeýshiligi bar», - delingen Úkimet qaýlysynda.
Elimiz boıynsha oqýshy oryndarynyń tapshylyǵy:
Astana qalasy - 20 973 oryn
Almaty qalasy - 39 065 oryn
Shymkent qalasy - 27 931 oryn
Abaı oblysy - 8719 oryn
Aqmola oblysy - 12 923 oryn
Aqtóbe oblysy - 16 321 oryn
Almaty oblysy - 22 864 oryn
Atyraý oblysy - 14 414 oryn
Batys Qazaqstan oblysy - 5 198 oryn
Jambyl oblysy - 17 312 oryn
Jetisý oblysy - 5036 oryn
Qaraǵandy oblysy - 2 468 oryn
Qostanaı oblysy - 2 436 oryn
Qyzylorda oblysy - 8 589 oryn
Mańǵystaý oblysy - 10 503 oryn
Pavlodar oblysy - 1 219 oryn
Soltústik Qazaqstan oblysy - 6 514 oryn
Túrkistan oblysy - 42 842 oryn
Ulytaý oblysy - 459 oryn
Shyǵys Qazaqstan oblysy - 4319 oryn
Oqýshy ornynyń tapshylyǵyn sheshý úshin Prezıdent tapsyrmasymen «Jaıly mektep» ulttyq jobasy qolǵa alyndy. Joba nátıjesinde 2026 jylǵa deıin 800 myń balaǵa arnalǵan eki aýsymdyq mektepter salynady. Osy oraıda el Úkimeti jobanyń qaǵıdalary men talaptaryn bekitýdi usyndy.