Elimizdiń qaı óńirinde erli-zaıyptylar jıi ajyrasady

ASTANA. QazAqparat – Elimizde eń kóp neke Almaty qalasynda tirkeledi eken. Aıta keterligi, ajyrasý boıynsha da atalǵan qala aldyńǵy orynda tur, dep habarlaıdy QazAqparat Ranking.kz resýrsyna silteme jasap.

Ótken jyly elimizde 128,5 myń jup nekesin qıdyrdy. Bul 2021 jylmen salystyrǵanda 8,4%-ǵa az.

Qalalarda neke qıdyrý kórsetkishi bir jylda 14%-ǵa, (85,5 myńǵa deıin) qysqardy, al aýyldarda kerisinshe, 5,4%-ǵa (43,1 myńǵa deıin) ósti.

Byltyr elimizde 17,7 myń jup ajyrasqan, bir jyl burynǵyǵa qaraǵanda 8,1%-ǵa azaıǵan. Qalalarda ajyrasý sany bir jylda 11,9%-ǵa (13,1 myńǵa deıin) azaısa, aýyldarda 4,7%-ǵa ıaǵnı 4,6 myńǵa artqan.

Óńirler boıynsha eń kóp neke (13,6 myń) Almatyda tirkelgen. Atalǵan kórsetkish bir jyl burynǵyǵa qaraǵanda 27,6%-ǵa az.

Odan ári úshtikke halyq tyǵyz qonystanǵan Túrkistan oblysy (jylyna 13,3 myń, mınýs 4%) jáne Astana qalasy (10,7 myń, mınýs 12,7%) kiredi.

Eń az neke Ulytaý oblysynda tirkelip otyr.

Ajyrasý sany boıynsha Almaty (2,3 myń), Astana jáne Qaraǵandy oblysy (ár óńirde 1,6 myń ajyrasý) aldyńǵy qatarda.

Al Ulytaý, Qyzylorda jáne Mańǵystaý oblysynda ajyrasatyndar qatary az.

Eldegi neke koeffıtsıenti 1000 adamǵa shaqqanda 7,29-dan 6,46-ǵa deıin tómendedi. Nekeniń eń joǵary koeffıtsıenti elordaǵa tıesili.

Atap aıtqanda, 1000 adamǵa shaqqanda 7,72 quraıdy. Kóshbasshylar úshtigine Almaty jáne Qaraǵandy oblysy kiredi.

Qazaqstanda ajyrasý koeffıtsıenti de 1000 adamǵa 1-den 0,89-ǵa deıin tómendegen.

Óńirler boıynsha joǵary koeffıtsıentter ShQO, Qaraǵandy jáne Pavlodar oblysyna, al eń azy Túrkistan oblysynda tirkeldi.

BUU-nyń derekterine sáıkes, TMD elderi arasynda 2021 jyly eń joǵary neke koeffıtsıenti Ózbekstanda tirkeldi (1000 adamǵa 8,8) tirkeldi.

Ekinshi jáne úshinshi orynda Moldova men Qyrǵyzstan (1000 adamǵa 8,6 jáne 7,6) ornalasqan.

Qazaqstanǵa kelsek, koeffıtsıent 1000 adamǵa shaqqanda 7,4 qurady. Odan ári Belarýs 6,4, Ázirbaıjan 5,6, Armenııa 4,1 jáne Ýkraına 4.

Ajyrasýdyń eń joǵary kórsetkishi Moldovada baıqaldy, 1000 adamǵa shaqqanda 3,8 keledi. Odan keıin Belarýs pen Ýkraına (1000 adamǵa 3,7 jáne 2,9) keledi.

Qazaqstanda koeffıtsıent 1000 adamǵa 2,5 qurady. Sonymen qatar Qyrǵyzstanda 1,8, Ázirbaıjanda 1,7, Ózbekstanda jáne Armenııada 1,1.