Elimizdiń ınternet sapasy jaqsy jáne nashar óńirleri belgili boldy
«Tsıfrlyq damý mınıstrliginiń ulttyq jobasy bar. Óńirler sheginde jáne basym baǵyttar boıynsha is-qımyl josparyn jarııa etý qajet. Eger, Qazaqstan boıynsha aıtar bolsaq, ınternet sapasy boıynsha eń jaqsy kórsetkish elordada, eń nashary Qyzylorda oblysynda tirkelgen. Al aýyldyq eldi mekenderge qatysty aıtar bolsaq, eń nashar kórsetkish – Batys Qazaqstan oblysynda», - dedi Janat Nurǵalıev telekommýnıkatsııa naryǵyn demonopolızatsııalaý máselelerin talqylaýǵa arnalǵan Men media.kz kross-medıaplatformasy barysynda.
Onyń atap ótýinshe, buǵan deıin Qazaqstandy 100 paıyz ınternetpen qamtamasyz etý máselesi ózekti bolsa, endigi ýaqytta onyń sapasyn jaqsartý kún tártibine shyǵyp otyr.
«Qazaqstan ınternet jyldamdyǵy boıynsha 80-orynda tur. Bul rette Qyrǵyzstan 76-orynǵa, Belarýs 74-orynǵa shyǵyp, elimizdi ozyp ketti. Muny oılaný kerek. Ulttyq jobada qarjylandyrý kólemi de kózdelgen. Eger 2021 jyly 34 mlrd teńge jumsalsa, 2022 jyly 17,5 mlrd teńge bólindi. Al 2025 jyly Ulttyq jobada 225 mlrd teńge qarastyrylǵan. Biraq, bul somanyń 118 mlrd teńgesi respýblıkalyq bıýdjetten bólinedi. Al operatorlardyń ınvestıtsııasy shamamen 520 mlrd teńgeni quraıdy. Biraq, atalǵan memlekettik baǵdarlamadan kim ınvestıtsııa salatyndyǵyn, qandaı operatorlardyń esebinen ekenin kórmeımiz. Qoǵam qazirdiń ózinde sapaly ınternet surap otyr», - dedi ol.