Elimizdiń halyqaralyq rezervteri 89,7 mlrd dollar boldy

ASTANA. QazAqparat – 1 jeltoqsandaǵy jaǵdaı boıynsha Qazaqstannyń halyqaralyq rezervteri 89,7 mlrd dollarǵa jetti. Bul týraly Ulttyq banktiń basqarma tóraǵasy Ǵalymjan Pirmatov Úkimettiń keńeıtilgen otyrysynda málim etti, dep habarlaıdy QazAqparat tilshisi.

«Osy jyldyń 1 jeltoqsanynda jalpy halyqaralyq rezervter 89,7 mlrd dollar boldy.

2022 jyly altyn baǵasynyń tómendeýine, memlekettik qaryzdyń tólenýine, sondaı-aq, birinshi toqsanda valıýtalyq ınterventsııalardyń júrgizilýine baılanysty altyn-valıýta rezervteri 467 mln dollarǵa tómendedi», - dedi Ǵalymjan Pirmatov.

Sondaı-aq, ol munaı baǵasynyń joǵary bolýy Ulttyq qordyń aqshasyn toltyrǵanyn atap ótti.

«Munaı baǵasynyń qalpyna kelip, 6 trln teńge kóleminde joǵary túsim keldi. Onyń ishinde shetel valıýtasyndaǵy túsimder 9,8 mlrd dollar bolyp, Ulttyq qordyń aktıvteri 55,8 mlrd dollarǵa deıin ulǵaıdy.

Qarjy naryǵyndaǵy quldyraýǵa qaramastan, Ulttyq qordyń qurylǵannan bergi kiristiligi jyldyq mánde 3,08% boldy», - dedi Ulttyq bank basshysy.