Elimizdiń halyqaralyq rezervi 94,6 mlrd dollarǵa jetti

ASTANA. QazAqparat – Elimizdiń halyqaralyq rezervi 94,6 mlrd dollarǵa jetti. Bul týraly Úkimet otyrysynda Ulttyq bank tóraǵasy Ǵalymjan Pirmatov aıtty, dep habarlaıdy QazAqparat tilshisi.

«Jalpy halyqaralyq rezervter mamyr aıynyń sońynda 94,6 mlrd dollardy qurady. Erkin konvertatsııalanatyn valıýtadaǵy aktıvterdiń ulǵaıýyna baılanysty Ulttyq banktiń altyn-valıýta rezervteri jyl basynan bastap 1,1 paıyzǵa nemese 35,5 mlrd dollarǵa deıin 0,4 mlrd dollarǵa ulǵaıdy», - dedi UB tóraǵasy.

Onyń dereginshe, Ulttyq qordyń aktıvteri jyl basynan bastap álemdik ındeksterdiń ósýi esebinen 6,1 paıyzǵa nemese 59,1 mlrd dollarǵa deıin 3,4 mlrd dollarǵa artty.

«Ulttyq qordan respýblıkalyq bıýdjetke 1,9 trln teńgege transfertter bólý úshin jyl basynan bastap 2,9 mlrd dollarǵa valıýtalyq aktıvter satyldy. Qorǵa jyl basynan bastap túsken jıyntyq qarajat 2,4 trln teńgeni qurady», - dedi Ǵalymjan Pirmatov.