Elimizdiń bıýdjeti 5,3 trln teńgege tolyqty

ASTANA. QazAqparat - Aǵymdaǵy jyldyń ishinde elimizdiń bıýdjeti 5,3 trln teńgege tolyqtyq. Onyń 70 paıyzyn, ıaǵnı 3,7 trln teńgesin salyq túsimderi qamtamasyz etip otyr, dep habarlaıdy QazAqparat tilshisi finprom.kz. saıtyna silteme jasap.

«2018 jyldyń birinshi jartyjyldyǵynda memlekettik bıýdjet 5,3 trln teńgege tolyqty. Bul ótken jyldyń sáıkes kezeńimen salystyrǵanda 4,8 paıyzǵa (5 trln) artyq. Memlekettik bıýdjet tolýynyń negizgi kózi salyq túsimderi (barlyq túsimderdiń 69,8 paıyzy) boldy. Ol 13,8 paıyzǵa artyp, 3,7 trln teńgeni  qurady. Bir jyl buryn onyń kólemi 3,2 trln teńge bolǵan edi», - dep atap ótedi basylym.

Kiristiń kelesi aýqymdy bóligin trasfertter quraıdy. Onyń esebinen elimizdiń bıýdjeti 1,4 trln teńgege ulǵaıdy. Al salyqtyq emes túsimder men negizgi kapıtaldy satýdan túsken túsimderdiń jalpy kólemi 150,6 mlrd teńgege jetti.

«Sońǵy 5 jylda  memlekettik bıýdjet túsimderi (qańtar-maýsym)  2,1 trln teńgege nemese 66,8 paıyzǵa artty. Bul rette aǵymdaǵy jyldyń birinshi jartyjyldyǵy sońǵy 5 jyldyń ishindegi eń kiristi kezeń bolyp otyr. 6 aıdaǵy memlekettik bıýdjettiń ortasha kirisi 8,8 paıyzdyq qarqynmen turaqty ósip keledi», - delingen habarlamada.

 Salyq túsimderi qurylymyndaǵy negizgi kiris kózderi - taýlarlar, jumystar men qyzmetterge arnalǵan ishki salyqtar. Ol jyl basynan bergi  alty aıdyń ishinde 1,4 trln teńgeni qurady. Tabys salyǵynyń túsimi 1,2 trln teńge boldy. Bul osydan bir jyl burynǵy kórsetkishten 6,5 paıyzǵa artyq. Bul kásiporyndar men qyzmetkerlerdiń tabysy óskendigin kórsetedi.

Halyqaralyq saýda men ishki operatsııalardyń jıyntyq salyǵy 619,4 mlrd teńgeni (bir jyl buryn 529,7 mlrd teńge bolǵan edi) qurady.