Elimizdiń búkil meshitterinde mert bolǵandardyń rýhyna quran baǵyshtalyp jatyr

NUR-SULTAN. QazAqparat – Búgin - elimizde jalpyulttyq aza tutý kúni. Osy oraıda el aýmaǵyndaǵy barlyq meshitterde jappaı ereýil kezinde qaza bolǵan jandardyń rýhyna quran baǵyshtalyp jatyr. Bul týraly Qazaqstan musyldandary dinı basqarmasynyń tóraǵasy, bas múftı Naýryzbaı qajy Taǵanuly málim etti, dep habarlaıdy QazAqparat tilshisi.

«Búgin elimizdegi búkil meshitterde tártipsizdik kezinde mert bolǵan jandardyń rýhyna quran oqylyp jatyr. ıAǵnı qurbandardyń rýhyna arnaıy hatym quran baǵyshtap jatyrmyz. Alla tilek-nıetimizdi, duǵamyzdy qabyl etsin. Ótken jyly jeltoqsan aıynda 2022 jyldyń jumys josparyn jasaǵan kezde jyl boıy kún saıyn qurannyń bir hatymyn oqyp otyrý týraly bekitken edik. Búgin el aýmaǵyndaǵy barlyq meshitterde oqylyp jatqan quran men duǵa mynaý eldegi jaısyzdyqtyń qurbany bolǵan marqumdardyń rýhyna baǵyshtalyp otyr. Olardyń arasynda otan qorǵaý jolynda sheıit bolǵandar da bar, odan bólek, jazataıym mert bolǵan beıbit, kezdeısoq turǵyndar da bar. Alla biz baǵyshtaǵan quran, duǵa, tilek, nıetti qabyl etsin», - dedi Naýryzbaı qajy Taǵanuly.

Buǵan deıin elordadaǵy «Áziret sultan» meshitinde jappaı ereýil kezinde qaza tapqan marqumdardyń rýhyna quran baǵyshtalǵanyn habarlaǵan edik.

Aıta keteıik, búgin - Qazaqstanda jalpyulttyq aza tutý kúni.