Elimizdiń birqatar óńirinde ınfektsııalyq aýrýhanaǵa túsken turǵyndar sany artty

NUR-SULTAN. QazAqparat – Elordada reanımatsııalyq tósekterdiń tolýy 50 paıyzdan asty. Bul týraly búgin Úkimet otyrysynda QR Densaýlyq saqtaý mınıstri Ajar Ǵınııat aıtty, dep habarlaıdy QazAqparat tilshisi.

«Koronavırýstyń kúrt ósýi respýblıkadaǵy ınfektsııalyq aýrýhanalardyń tolýyna áser etti. Sońǵy aıda ınfektsııalyq tósekterdi qamtý 18 paıyzdan 38 paıyzǵa deıin 2,1 esege ulǵaıdy», - dedi mınıstr.

Onyń dereginshe, tósek qorynyń 50 paıyzdan astam aýrýlarmen qamtylýy Nur-Sultan qalasynda, Aqmola, Aqtóbe, Almaty jáne Pavlodar oblystarynda anyqtalyp otyr.

«50 paıyzdan astam reanımatsııalyq tósekterdiń tolýy Nur-Sultan qalasynda anyqtaldy», - dedi Ajar Ǵınııat.