Elimizdiń batysyndaǵy polıgondar snarıadtardan tazartylyp jatyr

ATYRAÝ. QazAqparat – «Batys» óńirlik qolbasshylyǵynyń saperleri oqý-jattyǵý polıgondaryn jarylmaǵan snarıadtar men áskerı jarylǵysh zattardan tolyq tazartý jumystaryn júzege asyrýda, deı habarlaıdy QazAqparat.

Qolbasshylyqtyń baspasóz qyzmetiniń málimetinshe, polıgondardy tazalaýǵa ınjenerlik bólimsheler jumyldyrylǵan. Olar jeke qorǵaný quraldarymen, 0,6 metr tereńdiktegi jarylǵysh zattardy tabýǵa arnalǵan zamanaýı mına detektorlarymen, baılanys quraldarymen, sondaı-aq, jarylǵysh zattardy tasymaldaıtyn arnaıy kóliktermen qamtamasyz etilgen. Іs-shara barysynda Mańǵystaý, Aqtóbe, Atyraý oblystarynda ornalasqan «Oımasha», «Beıneý», «Eset batyr» jáne «Qarabotan» polıgondarynyń aýmaǵynan 48 myń gektardan astam jer tazartylǵan.

«Tazartý jumystarynyń basty maqsaty – jarylmaǵan oq-dárilerdi joıý. Sebebi, mundaı oq-dárileri isten shyqqan. Qaýipsizdik maqsatynda barlyq jarylǵysh zattar detonatsııa ádisimen tabylǵan ornynda joıylady», - deıdi áskerı bólimniń ınjenerlik qyzmetiniń bastyǵy kapıtan Nurjan Saparbekov.

Eske sala ketelik, budan buryn Atyraýdan 100 bozbala ońtústik óńirge áskerge attanǵanyn jazyp edik.