Elimizdiń batysynda vaktsınalaý qarqyny tómen
17:42, 14 Shilde 2021
NUR-SULTAN. QazAqparat - Halyqty vaktsınamen qamtýdyń eń tómen kórsetkishi Mańǵystaý oblysynda – 23,6%, Batys Qazaqstan jáne Aqtóbe oblystarynda 39%-dan baıqalady. Bul týraly QR aýmaǵynda koronavırýs ınfektsııanyń taralýyna jol bermeý jónindegi vedomstvoaralyq komıssııanyń (VAK) otyrysynda aıtyldy.
Jıynda Úkimet basshysy Asqar Mamın óńirlerdiń ákimdikterine, ortalyq memlekettik organdarǵa densaýlyq saqtaý júıesiniń resýrstaryn jumyldyrý, onyń ishinde rezervtik tósek-oryndardy, dári-dármekterdi, jeke qorǵanysh quraldaryn, medıtsınalyq jabdyqtar men kadrlardy qamtamasyz etý boıynsha barlyq sharalardy qabyldaýdy tapsyrdy.
Alǵashqy medıtsınalyq-sanıtarlyq kómek jumysyna erekshe nazar aýdarý kerek.
Premer-Mınıstr óńirlerdiń ákimdikterine, ásirese Mańǵystaý, Batys Qazaqstan jáne Aqtóbe oblystarynda vaktsınalaý qarqynyn kúsheıtýdi tapsyrdy.
Eske salsaq, búgin QR Premer-Mınıstri Asqar Mamın QR aýmaǵynda koronavırýs ınfektsııanyń taralýyna jol bermeý jónindegi vedomstvoaralyq komıssııanyń (VAK) otyrysyn ótkizdi.