Elimizdiń basym bóliginde jaýyn jaýyp, shyǵysta úsik júredi - Qazgıdromet
06:06, 18 Qyrkúıek 2023
«Qazgıdromet» RMK-sy qyrkúıektiń 18-i kúngi kún raıy boljamyn jarııalady, dep habarlaıdy QazAqparat.
Atmosfera frontaldy bólikterdiń ótýine baılanysty Qazaqstannyń basym bóliginde kún qubylmaly bolady, naızaǵaı oınap, jańbyr jaýady, elimizdiń batysynda qatty jaýyn jaýady.
Respýblıka boıynsha batysta, soltústik-batysta, ońtústikte, ońtústik-shyǵysta - ekpindi jel, batysta, soltústikte, soltústik-batysta, shyǵysta, ortalyqta tuman túsedi.
Qyzylorda oblysynyń ortalyǵynda, shyǵysynda, ońtústiginde, Ulytaý oblysynyń ońtústiginde, tótenshe órt qaýpi saqtalady, Qaraǵandy oblysynyń ońtústiginde órt qaýpi týyndaıdy.
Jambyl, Túrkistan oblystarynda joǵary órt qaýpi saqtalady.
Shyǵys Qazaqstan oblysynyń soltústiginde, shyǵysynda topyraq betinde 1 gradýs úsik júrýi yqtımal.