Elimizdiń basym bóliginde jaýyn jaýyp, kún jylynady

ASTANA. QazAqparat - Aldaǵy úsh táýlikte jylý men ylǵaldyń úlken qory bar atlantıkalyq tsıklon áserinen elimizde jańbyr men qar mol túsedi, al soltústik-batys pen soltústik óńirde kóktaıǵaq, tuman, ekpindi jel, jaıaý burqasyn bolady, dep habarlaıdy QazAqparat «Qazgıdromet» RMK-ǵa silteme jasap.

«Eldiń tek ońtústik-shyǵysynda, 28 aqpan men 1 naýryzda shyǵysta atmosferalyq qysymnyń joǵarylaýy áserinen kún jaýyn-shashynsyz bolady. Sondaı-aq respýblıkanyń basym bóliginde aýa temperatýrasy birtindep joǵarylaıdy.

Qazaqstannyń soltústik bóliginde kúndiz termometr kórsetkishi 3-5 gradýsqa deıin joǵarylaıdy, al ońtústik jartysynda - 15-20 gradýsqa deıin jylynady. Respýblıkanyń batysy men soltústik-batysynda ǵana kúndiz aýa temperatýrasy 0-10 gradýsqa deıin birtindep tómendeýi yqtımal», - dep boljaıdy sınoptıkter.