Elimizdiń Bas prokýratýrasy alıment tóleýden jaltarǵandardy «táýbesine» keltirmek

ASTANA. 26 sáýir. QazAqparat - Búgingi tańda Qazaqstanda ótelmegen alıment kólemi 3,7 mlrd. teńgeni qurap otyr. Bul týraly búgin QR Prezıdenti janyndaǵy Áıelder jáne otbasylyq-demografııalyq ister jónindegi ulttyq komıssııa otyrysynda QR Bas prokýrorynyń orynbasary Jaqyp Asanov málim etti.

«Bul óte úlken tsıfr, 54 myń bala alıment ala almaı otyr. Sondyqtan da bul jumys bizdiń nazarymyzda turaqty túrde bolady», - dedi ol.

J.Asanovtyń atap ótýinshe, aǵymdaǵy jyldyń 1 naýryzynda QR Bas prokýratýrasy osy máselege baılanysty Ádilet mınıstrligimen birlesken keńes ótkizip, atalǵan alqaly jıyn barysynda jańa zań jobasy ázirlengen.

«Biz atqarýshy óndiris júıesin jańǵyrtýdyń tujyrymdamasyn jasadyq. Biz usynyp otyrǵan túzetýdiń máni mynada, boryshker qaıda baryp qyzmet alatyn bolsa, onyń ishinde memlekettik te, jeke basyn kýálandyratyn qujatyn usynǵan kezde onda problemalar týyndaıtyn bolady», - dedi J.Asanov.

Bas prokýror orynbasarynyń atap ótýinshe, alıment tólemegen azamat qaıda barsa da oǵan óziniń boryshker ekendigi eske túsirilip turatyn bolady.