Elimizdiń bas múftıi Túlkibas jáne Otyrar turǵyndarymen kezdesti

TÚRKІSTAN. QazAqparat – Túrkistan oblysyna elimizdiń Bas múftıi Naýryzbaı qajy Taǵanuly kelip, Túlkibas jáne Otyrar aýdandaryna saparlady. Aýyl ımamdarymen kezdesý ótkizip, alqaly jıyndarǵa qatysty, dep habarlaıdy QazAqparat tilshisi.

Túlkibas aýdanynda ótken jıynǵa aýdan ákimi Nurbol Turashbekov pen Qazaqstan musylmandar dinı birlestiginiń Túrkistan oblysy boıynsha ókili, «Qoja Ahmet ıAssaýı» meshitiniń bas ımamy Musabek Aqtamberdi, aýdandyq máslıhat hatshysy men depýtattar, ardagerler keńesi men qoǵamdyq keńes, derbes bólim basshylary men BAQ ókilderi qatysty.

Basqosýda Qazaqstan musylmandary dinı basqarmasynyń tóraǵasy májilis zalynda ulttar men ulystardy meıirimge, ıgilikke, birlikke baýlý jolynda ımamdarǵa úlken jaýapkershilik júkteletinin jetkizdi. Bas múftıden keıin jergilikti azamattar sóz alyp, óz usynys-tilekterin jetkizdi.

Bas múftı munan soń Otyrar aýdanyna atbasyn buryp, Arystanbab kesenesine zııarat etti. Qurbandyq shalyp, baptardyń babyna quran baǵyshtady.

Otyrar jerinde ardagerler jáne aýyl aqsaqaldarymen kezdesip, qazaq órkenıetiniń altyn dińgegi sanalǵan kıeli aýdan jurtshylyǵyna rızashylyǵyn bildirdi.