Elimizdiń bas qalasy men on eki oblysta aýa raıyna baılanysty eskertý jarııalandy

NUR-SULTAN. QazAqparat – Elimizdiń bas qalasy men birqatar aımaqtarynda aýa raıyna baılanysty eskertý jarııalandy, dep habarlaıdy QazAqparat «Qazgıdromet» RMK-ǵa silteme jasap.

11 tamyz kúni Nur-Sultanda naızaǵaı oınap, kúndiz burshaq jaýýy múmkin.

11 tamyzda Aqmola oblysynyń soltústik, shyǵysynda naızaǵaı oınaıdy. Kúndiz oblystyń shyǵysynda burshaq jaýýy yqtımal. Túnde jáne tańerteń soltústik-batysynda jáne shyǵysynda tuman túsedi. Oblystyń soltústik-batys, shyǵysynda kúndiz soltústikten jel soǵyp, ekpini 15-20 m/s deıin jetedi.

11 tamyzda Soltústik Qazaqstan oblysynyń ońtústiginde, shyǵysynda naızaǵaı oınap, burshaq jaýýy múmkin. Túnde jáne tańerteń oblystyń batysynda tuman kútiledi. Kúndiz ońtústikte, shyǵysta soltústikten soǵatyn jeldiń ekpini 15-20 m/s jetedi.

11 tamyzda Pavlodar oblysynyń ońtústigi men shyǵysynda nóser jańbyr jaýyp, naızaǵaı oınaıdy, túnde tuman túsip, kúndiz burshaq jaýýy múmkin. Oblystyń soltústik, shyǵys jáne ońtústiginde jel jyldamdyǵy 15-20 m/s deıin jetedi. Sol kúni túnde Pavlodar qalasynda tuman túsip, kúndiz naızaǵaı oınaıdy. Soltústik-shyǵystan jel soǵyp, kún kúrkiregende ekpini 18 m/s deıin jetedi.

11 tamyzda Qaraǵandy oblysynyń soltústik bóliginde qatty jańbyr jaýyp, kún kúrkireıdi. Túnde oblystyń soltústiginde tuman túsedi. Soltústik-shyǵys, shyǵystan soǵatyn jel ekpini naızaǵaı kezinde 15-20 m/s jetedi.

11 tamyzda kúndiz Shyǵys Qazaqstan oblysynyń soltústiginde nóser jańbyr jaýady. Túnde soltústik bóliginde, kúndiz basym bóliginde naızaǵaı jarqyldap, shyǵysy men ońtústiginde burshaq jaýýy yqtımal. Soltústik-batystan soǵatyn jel ekpini kúndiz shyǵysta, ońtústik bóliginde15-20 m/s jetedi. Bul kúni Óskemende naızaǵaı oınaıdy.

11 tamyzda kúndiz Abaı aýdanynyń soltústiginde qatty jańbyr jaýýy múmkin. Oblystyń basym bóliginde naızaǵaı oınap, batysy men ońtústiginde burshaq jaýýy yqtımal. Soltústik-batystan soǵatyn jel, kúndiz batysta, ońtústiginde 15-20 m/s jetedi. 11 tamyzda Semeıde naızaǵaı jarqyldaıdy.

11 tamyzda kúndiz Batys Qazaqstan oblysynda kún 37 gradýsqa deıin ysıdy. Oralda kúndiz 36 gradýs ystyq bolady.

11-12 tamyzda Atyraý oblysynda kúndiz aýanyń temperatýrasy 39 gradýsqa deıin kóteriledi. Oblystyń soltústiginde órt shyǵý qaýpi saqtalady. Atyraý qalasynda 11-12 tamyzda kúndiz 38 gradýs ystyq saqtalady.

11 tamyzda kúndiz Aqtóbe oblysynyń batysynda 36 gradýsqa deıin qatty ystyq bolady dep kútilýde.

11 tamyzda kúndiz Mańǵystaý oblysynyń soltústik-shyǵysynda 38 gradýsqa deıin qatty ystyq saqtalady. Ońtústik-shyǵystan soǵatyn jel ekpini oblystyń ońtústiginde 15-20 m/s jetedi.

11 tamyzda Qyzylorda oblysynyń basym bóliginde jáne Qyzylorda qalasynda tótenshe órt qaýpi saqtalady.

11 tamyzda Túrkistan oblysynyń taýly aımaqtarynda tańerteń jáne kúndiz naızaǵaı jarqyldaıdy. Soltústik-shyǵystan jel soǵyp, tańerteń jáne kúndiz taý asýlarynda ekpini 15-20 m/s deıin kúsheıedi. Oblystyń ońtústigi men shyǵysynda tótenshe órt qaýpi saqtalady.