Elimizdiń bas áskerı medıtsına qyzmetkerleri kóktem merekesin atap ótti

ASTANA. QazAqparat - Búgin kóktem merekesi Naýryz qarsańynda Qazaqstan Respbýlıkasy Qorǵanys mınıstrliginiń Bas áskerı klınıkalyq gospıtalinde «Armysyń, áz-Naýryz!» atty saltanatty jıyn ótti.

Bul týraly QR Qorǵanys mınıstrliginiń baspasóz qyzmetinen habarlaıdy.

Áskerı medıtsına qyzmetkerleri qazaq halqynyń baı dástúri men ádet-ǵurpyn pash etip, ulttyq oıyndardan saıystar uıymdastyrdy. Sondaı-aq kelgen qonaqtar úshin merekelik dastarhan jaıylyp, án salyndy, bı bılendi.

Jalpy aıtqanda, shara jurtshylyqqa kóktemgi kóńil-kúı syılady.

Kún men tún teńesetin Naýryz meıramy shyǵys halyqtary úshin mańyzdy. Naýryz merekesi ulan-asyr toılansa, jyl boıy tabys pen bereke ákeledi, dep sanaıtyndaryn jetkizdi atalmysh mekeme qyzmetkerleri.