Elimizdiń «Barys» hokkeı klýbynyń jankúıerler qozǵalysy Elbasynyń Prezıdenttik ókilettigin 2020 jylǵa deıin uzartý týraly bastamany qoldaıdy
Osyǵan oraı búgin olar elordadaǵy «Qazaqstan» sport kesheninde baspasóz máslıhatyn ótkizip, arnaıy úndeý qabyldady. Qujat mátinimen qozǵalystyń múshesi Baýyrjan Ábıev tanystyrdy.
Onda QR Tuńǵysh Prezıdenti Nursultan Nazarbaevtyń halyqaralyq saıası arenada zor bedelge ıe ekendigi jáne táýelsiz elimizdiń negizin qalaýshy retinde barlyq qazaqstandyqtarǵa úlgi ekendigi basa aıtylǵan.
«Elbasymyz jeke kóshbasshylyq qasıetterimen qatar árqashan salaýatty ómir saltyn nasıhattaıdy, óz eliniń azamattarynyń densaýlyǵyn basty baılyq sanaıdy. Sondyqtan da biz - «Barys» hokkeı klýbynyń jankúıerler qozǵalysy, elimizdiń eń iri sport jankúıerlerin biriktiretin uıym retinde Qazaqstan Respýblıkasynyń Tuńǵysh Prezıdenti N.Nazarbaevtyń ókilettigin 2020 jylǵa deıin uzartý týraly bastamany qoldaımyz jáne «Qazaqstan-2020» jalpyulttyq demokratııalyq kúshter koalıtsııasyna kirý jóninde sheshim qabyldaǵanymyzdy jarııalaımyz», - delingen úndeýde.