Elimizdiń áskerı ushqyshtary «Áýe kópiri - 2018» oqý-jattyǵýyna qatysyp jatyr

ASTANA. QazAqparat - Qazaqstannyń Áskerı-áýe kúshteri «Áýe kópiri - 2018» oqý-jattyǵýyna qatysyp jatyr, dep habarlaıdy QazAqparat QR Qorǵanys mınıstrliginiń resmı saıtyna silteme jasap.

QR Qarýly Kúshteri Áýe qorǵanysy kúshteriniń ókilderi Reseı Federatsııasynyń aýmaǵynda ótip jatqan «Áýe kópiri - 2018» ujymdyq qaýipsizdik týraly shart uıymynyń komandalyq-shtabtyq oqý-jattyǵýyna qatysyp jatyr. «Áýe kópiri - 2018» oqý-jattyǵýynyń ereksheligi - UQShU-ǵa múshe 6 eldiń qarýly kúshteriniń áskerı-kólik avıatsııasyn qoldana otyryp, mobıldi kúshterdi aýqymdy almastyrý. Áýe tásilimen 3,5 myńnan asa áskerı qyzmetshi men 620 áskerı tehnıka almastyrylady.

Oqý-jattyǵýǵa UQShU-nyń birikken shtaby, sondaı-aq UQShU-ǵa múshe memleketter, ıaǵnı, Armenııa, Belarýs, Qazaqstan, Qyrǵyzstan, Reseı jáne Tájikstan qarýly kúshteriniń ókilderi qatysýda.