Elimizdiń áskerı teńizshileri Armııa halyqaralyq oıyndaryna daıyndalýda

NUR-SULTAN. QazAqparat - Qazaqstan Áskerı-teńiz kúshteriniń áskerı qyzmetshileri Armııa halyqaralyq oıyndary aıasynda ótetin «Teńiz kýbogy-2021» konkýrsyna qatysady, dep habarlaıdy QazAqparat.

«Bul konkýrsqa qatysý úshin negizgi jáne rezervtegi kemeler belgilendi. «Saryarqa» zymyran-artıllerııalyq kemesi – negizgi, al «Mańǵystaý» – rezervtegi keme retinde belgilendi.

Daıarlyq kezinde áskerı qyzmetshiler áýe jáne sýústi shartty nysanalaryn is júzinde atýdy oryndaıdy. Júzýshiler qutqarý quraldaryn qoldaný kezeńine daıyndalýda. Kemeniń myqtylyǵyn kórsetý jolyndaǵy kúreske erekshe nazar aýdarylady», - dedi QR Qorǵanys mınıstrliginiń baspasóz qyzmetinen.

«Teńiz kýbogy» baıqaýy 2015 jyldan bastap ótkiziledi. Elimizdiń áskerı teńizshileri 2015, 2016 jáne 2018 jyldary konkýrstyń kúmis júldegerleri atanyp, 2017 jáne 2019 jyldary – úshinshi oryn ıelengen bolatyn.

Bıyl halyqaralyq konkýrs Iranda ótedi.