Elimizdiń áskerı bólimderinde ashylǵan saılaý ýchaskelerinde daýys berý aıaqtaldy

NUR-SULTAN. QazAqparat – QR Qarýly Kúshteriniń áskerı bólimderinde qurylǵan 19 saılaý ýchaskesinde daýys berý merziminen buryn aıaqtaldy. Bul týraly Qorǵanys mınıstrliginen málim etti, dep habarlaıdy QazAqparat.

«Ofıtserler men kelisimshart boıynsha áskerı qyzmetshiler turǵylyqty jerleri boıynsha saılaý ýchaskelerinde daýys beredi. Merzimdi qyzmettegi áskerı qyzmetshiler jáne áskerı oqý oryndarynyń kýrsanttary úshin áskerı bólimder men mekemelerde 19 saılaý ýchaskesi qurylǵan bolatyn.

Zań boıynsha bul ýchaskeler 1 saǵatqa erte ashylyp, tizimge engizilgen barlyq saılaýshylar daýys bergen soń jumystaryn erte aıaqtaı aldy.

Osy ýaqytqa deıin barlyq 19 saılaý ýchaskesinde daýys berý aıaqtaldy», - dedi mınıstrlikten.

Málim etilgendeı, búgin júzdegen áskerı qyzmetshi alǵash ret saılaýǵa qatysqan.

«Búgin birinshi ret depýtattar saılaýyna qatystym. Saılaýǵa kelý – tek quqyǵymyz ǵana emes, árbirimizdiń mindetimiz. Daýys berý arqyly biz bolashaǵymyzǵa tańdaý jasaımyz», - dedi tank brıgadasynyń mehanık júrgizýshisi, qatardaǵy jaýynger Rústam Núrkeev.