Elimizdiń Áskerı-áýe kúshteriniń avıatsııalyq parki jańa býyndy ushaqtarymen tolyqty

ASTANA. 17 qańtar. QazAqparat - Búgin Astana qalasyndaǵy avıatsııalyq bazaǵa Ispanııadan «Airbus» Eýropalyq avıatsııalyq kontserniniń eki S-295 ushaǵy kelip qondy. QR QM baspasóz qyzmetiniń málimetinshe, 20 jyldyq tarıhy bar Qazaqstannyń tarıhynda alǵash ret el Áskerı-áýe kúshteriniń avıatsııalyq parki jańa býyndy ushaqtarymen tolyqtyryldy.

S-295 ushaǵynyń múmkindigine keletin bolsaq, ol búginde álemdegi eń jaqsy ushaqtardyń birinen sanalady. Sol sebepti balamaly usynystardyń nátıjesinde avıatsııalyq parkti jańartý úshin júk kótergishtigi 10 tonnalyq ushaq tańdaldy. Atalǵan ushaq Ispanııa, Frantsııa, Fınlıandııa sııaqty basqa da 15 memlekettiń áskerı-áýe kúshterinde paıdalanylady. Qazaqstan bul ushaqqa TMD elderi arasynda birinshi bolyp tapsyrys berip otyrǵandyǵyn atap ótken jón.

13 qańtarda óndirýshilerden atalǵan ónimdi Qazaqstan tarapynan qabyldap alý úshin Astanadan Ispanııaǵa «Airbus Military» kompanııasynyń óndiristik bazasy ornalasqan Sevılıa qalasyna Qazaqstan Qarýly kúshteri Áýe qorǵanysy kúshteriniń ókilderi attanǵan bolatyn. Olardy Áskerı-áýe kúshteriniń qolbasshysy general-maıor Alsaı Jumanov bastap bardy.

S-295 ushaǵyn Qazaqstanǵa ushyryp ákelýge Ispanııada teorııalyq jáne tájirıbe júzinde tolyq bilmderin jetildirgen Qazaqstan ÁÁK ushqyshtary júzege asyrdy. Qazaqstan Áskerı áýe kúshteriniń avıatsııalyq parki 2018 jyldyń aıaǵyna deıin segiz S-295 ushaǵymen jabdyqtalmaq,

Avıatsııalyq parktiń jańartylýy nátıjesinde áskerdi bir jerden ekinshi jerge aparýǵa, qarý-jaraq pen áskerı tehnıkany kez-kelgen strategııalyq baǵytqa qosymsha janar-jaǵar maı quımaı-aq jetkizýge qabiletti avıatsııa toptary qurylmaq. Evropalyq avıatsııalyq kontsernniń modeldik qatarynyń ushaqtary onyń paıdalanylý shyǵynyn az jumsaýǵa, ushatyn jáne tehnıkalyq quramdy oqyp-úıretýdi qamtamasyz etedi.