Elimizdiń altyn valıýta qory 36,5 mlrd dollarǵa jetti
Bul týraly Ulttyq bank tóraǵasynyń orynbasary Álııa Moldabekova aıtty.
«Altyn valıýta rezervteri mamyrdyń sońynda aıdyń basyndaǵy deńgeıden 2,2 mlrd AQSh dollaryna ulǵaıyp, 36,5 mlrd AQSh dollaryn qurady. Altyn valıýta rezervteriniń ulǵaıýy eń aldymen altyn baǵasynyń bir ýntsııa úshin 1769 AQSh dollarynan 1892 AQSh dollaryna deıin qalpyna kelýi aıasynda altyn portfeliniń 1,9 mlrd AQSh dollaryna (nemese 7%-ǵa) ósýi aıasynda boldy. Rezervter quramyndaǵy altynnyń úlesi 67,7%-ǵa jetti. Baǵaly metall baǵasynyń ósýine AQSh memlekettik baǵaly qaǵazdar kiristiliginiń tómendeýi jáne AQSh dollary baǵamynyń jahandyq tómendeýi sebep boldy», - dei Ulttyq bank ókili.
Álııa Moldabekovanyń aıtýynsha, erkin konvertatsııalanatyn valıýtadaǵy aktıvter 311 mln AQSh dollaryna, onyń ishinde depozıtter men Ulttyq bank shottaryndaǵy qarajattyń esebinen 297 mln AQSh dollaryna ósken.