Elimizdiń 6 óńirinde aýa raıyna baılanysty eskertý jarııalandy

ASTANA. QazAqparat - Qazgıdromet mamandary 24 qańtar, seısenbide birneshe óńirde aýa raıyna baılanysty eskertý jarııalady, dep habarlaıdy QazAqparat.

24 qańtarda Túrkistan oblysynyń ońtústiginde, batysynda, taýly jáne taý bókterli aýdandarynda tuman túsedi.

Shymkent qalasynda da túnde jáne tańerteń tuman túsedi.

24 qańtarda Shyǵys Qazaqstan oblysynyń soltústiginde, shyǵysynda jaıaý burqasyn soǵady. Ońtústik-shyǵystan jel turady, oblystyń soltústiginde jel qarqyny 15-20 m/s jetedi.

24 qańtarda Jetisý oblysynyń Alakól kólderi mańynda soltústik-shyǵystan jel soǵady, ekpini - 15-20, túnde keı ýaqytta - 25 m/s.

24 qańtarda Soltústik Qazaqstan oblysynyń shyǵysynda jaıaý burqasyn kóteriledi. Oblystyń ońtústiginde tuman túsedi. Soltústik-batystan, batystan jel soǵady, kúndiz oblystyń shyǵysynda jel jyldamdyǵy 15-20 m/s deıin kúsheıedi.

24 qańtarda Abaı oblysynyń soltústiginde, ońtústiginde, batysynda jaıaý burqasyn soǵady. Ońtústik-batystan soqqan jeldiń ekpini 15-20 m/s jetedi.