Elimizdiń 22 qalasynda eriktiler ardagerlerge kómek kórsetedi

ASTANA. QazAqparat - 5 mamyr kúni Qazaqstannyń 22 qalasynda soǵys  ardagerleri men olarǵa teńestirilgen tyl eńbekkerlerine ataýly kómek kórsetý úshin eriktiler jasaqtary jumys isteı bastaıdy, dep habarlaıdy QazAqparat.

«Samruk-Kazyna Trust» áleýmettik jobalardy damytý qorynyń málimetinshe, eriktiler jasaǵy Astana, Almaty, Aqtaý, Atyraý, Aqtóbe, Jańaózen, Qaraǵandy, Kókshetaý, Qostanaı, Qyzylorda, Pavlodar, Petropavl, Rýdnyı, Semeı, Taraz, Taldyqorǵan, Tekeli, Temirtaý, Oral, Óskemen, Shymkent, Ekibastuz qalalarynda jumys isteıdi.

Aıta keteıik, atalǵan qordyń «Jeńis» jobasy 2015 jyldan beri júzege asyrylýda.

 «2016 jyldyń qorytyndysy boıynsha, joba aıasynda Qazaqstanda turatyn 2911 ardagerge 291,1 mln. teńgeniń  kómegi kórsetildi. Eriktiler jasaqtary jyl saıyn Ekinshi dúnıejúzilik soǵys ardagerleriniń sharýashylyqtaryna qolǵabys etip, olarǵa dári-dármekpen, azyq-túlikpen járdemdesedi. 2017 jyldan bastap Ekinshi dúnıejúzilik soǵys ardagerlerine ǵana emes, olarǵa teńestirilgen tyl eńbekkerlerine de kómek kórsetiletin bolady.

«Eriktiler sharasy búkil el boıynsha aǵymdaǵy jyldyń jeltoqsan aıynyń aıaǵyna deıin jalǵasady»,-  delingen qor aqparatynda.