Elimizdiń 2020 jylǵa deıingi azyq-túlik óndirisin damytý sharalary maquldandy - Úkimet otyrysy

ASTANA. QazAqparat - Qazaqstan Úkimeti elimizdiń 2020 jylǵa deıingi azyq-túlik óndirisin damytý sharalaryn qabyldady. Bul týraly búgin QR Prezıdenti janyndaǵy Ortalyq kommýnıkatsııalar qyzmetinde ótken brıfıngte Aýyl sharýashylyǵy mınıstri Asyljan Mamytbekov málim etti.

«Búgin Úkimet otyrysynda bizdiń elimizdiń 2020 jylǵa deıingi azyq-túlik óndirisin damytý sharalary qabyldandy. Ózderińiz biletindeı, aýyl sharýashalyǵy ónimderin qaıta óńdeý agroónerkásip kesheniniń barynsha mańyzdy quramdas bóligi bolyp tabylady. Sondyqtan aýyl sharýashylyǵyn onyń ónimderin óńdemeı damytý múmkin emes», - dedi ol.

Onyń atap ótýinshe, elimizdiń q óńdeý ónerkásipteriniń jalpy kóleminiń tek 16,5 paıyzyn ǵana aýyl sharýashylyǵy shıkizatyn óńdeý ónerkásipteri quraıdy. ıAǵnı, bul saladaǵy eki myńǵa jýyq kásiporynda elý myńnan astam jumys isteýde. Jalpy, bul salada sońǵy jyldary ilgerileýshilik bar.

«2013 jyly qaıta óńdelgen ónimniń kólemi shamamen bir trıllıon teńgeni qurady. Bul 600 mlrd. teńgeniń ónimi qaıta óńdelgen 2009 jylmen salystyrǵanda ósim 65 paıyzǵa jýyqtady», - dedi A.Mamytbekov.