Elimizdiń 17 óńirinde aýa raıyna baılanysty eskertý jarııalandy

ASTANA. QazAqparat – Sınoptıkter elimizdiń 17 óńirinde daýyldy eskertý jarııalady, dep habarlaıdy QazAqparat.

«Qazgıdromet» RMK málimetinshe, 31 shildede Astanada joǵary órt qaýpi saqtalady.

Shymkentte 40 gradýsqa deıin qatty ystyq bolady, órt qaýpi bar.

Soltústikte, batysta, Abaı oblysynyń ortalyǵynda naızaǵaı oınaýy múmkin. Soltústik-batystan soǵatyn jel soltústik-shyǵysqa aýysady, naızaǵaıdyń ekpini – 15-20 m/s. Kúndiz oblystyń ońtústiginde 36 gradýsqa deıin qatty ystyq bolady. Órt qaýpi saqtalady.

Aqmola oblysynyń basym bóliginde joǵary órt qaýpi saqtalady, oblystyń ońtústigi men batysynda tótenshe órt qaýpi bar.

Aqtóbe oblysynyń shyǵysynda, ońtústik-shyǵysynda naızaǵaı jarqyldaıdy. Jel batystan, soltústik-batystan soǵady, naızaǵaıdyń ekpini – 15-20 m/s. Kúndizgi ýaqytta 35 gradýsqa deıin ystyq saqtalady, tótenshe órt qaýpi bar.

Atyraý oblysynda joǵary órt qaýpi bar.

Shyǵys Qazaqstan oblysynyń batysynda, soltústiginde, shyǵysynda tańerteń jáne kúndiz naızaǵaı kútiledi. Soltústik-batystan soǵatyn jeldiń ekpini –15-20 m/s. Kúndiz oblystyń ońtústiginde 36 gradýsqa deıin qatty ystyq bolady. Órt qaýpi saqtalady.

Kúndiz Jetisý oblysynyń taýly aımaqtarynda naızaǵaı oınaıdy. Batystan jel soǵady, naızaǵaıdyń ekpini – 15-20 m/s. 35-37 gradýsqa deıin qatty ystyq bolady, tótenshe órt qaýpi bar.

Batys Qazaqstan oblysynyń basym bóliginde joǵary órt qaýpi bar.

Qaraǵandy ​​oblysynyń shyǵysynda naızaǵaı oınaıdy. Soltústik-shyǵystan jel soǵady, kúndiz soltústik-batysqa aýysady. Oblystyń shyǵysynda ekpini – 18 m/s. Oblystyń ońtústiginde kúndiz 36 gradýsqa deıin qatty ystyq saqtalady, tótenshe órt qaýpi bar.

Qostanaı oblysynyń batysynda kúndiz naızaǵaı kútiledi. Soltústik-shyǵystan, kúndiz shyǵystan soǵatyn jeldiń ekpini –15 m/s. Oblystyń ońtústiginde kúndiz 36 gradýsqa deıin qatty ystyq saqtalady, tótenshe órt qaýpi bar.

Kúndiz Qyzylorda oblysynyń ortalyǵynda shańdy daýyl soǵady. Kúndiz oblys ortalyǵynda soltústikten jel soǵady, ekpini – 15-20 m/s. 40-42 gradýsqa deıin qatty ystyq saqtalady, tótenshe órt qaýpi bar.

Mańǵystaý oblysynyń batysynda, ońtústiginde, ortalyǵynda naızaǵaı oınaıdy. Túnde soltústik-batystan soǵatyn jeldiń ekpini ońtústikte, oblystyń shyǵysynda 15-20 m/s bolady. Kúndiz oblystyń ońtústiginde 38-40 gradýsqa deıin qatty ystyq saqtalady. Joǵary órt qaýpi bar.

Pavlodar oblysynyń ońtústigi men shyǵysynda tótenshe órt qaýpi bar.

Soltústik Qazaqstan oblysynyń soltústiginde kúndiz naızaǵaı oınaýy múmkin. Túnde jáne tańerteń oblystyń soltústiginde, shyǵysynda tuman túsedi. Órt qaýpi áli de joǵary.

Túrkistan oblysynyń taýly jerlerinde ońtústik-shyǵystan 15-20 m/s jel soǵady. Kúndiz oblystyń basym bóliginde 41 gradýsqa deıin ystyq bolady, tótenshe órt qaýpi bar.

Ulytaý oblysynyń basym bóliginde qatty ystyq (39 gradýsqa deıin) saqtalady, tótenshe órt qaýpi bar.