Elimizdegi JOO-larda kommertsııalandyrý keńseleri ashylady - A.Sárinjipov
«Ýnıversıtetterdiń áleýetin arttyrý úshin, sonyń ishinde Indýstrııalyq-ınnovatsııalyq damý memlekettik baǵdarlamasymen ıntegratsııalanǵan joǵary oqý oryndarynda kommertsııalandyrý keńseleri ashylady. Bul úshin ondaı joǵary oqý oryndarynyń árqaısysynda ǵylymı zertteýlerdi, daıyndamalardy naryqqa shyǵarýmen aınalysatyn arnaıy mamandar komandasy oqytylatyn bolady. Bunda ýnıversıtet ǵalymdary men professorlary da tehnologııalarǵa, kommertsııalandyrý isine, sondaı-aq olardy engizý tetikterine oqytylatyn bolady», - dedi A.Sárinjipov. Onyń aıtýynsha, memelkettik qoldaý sharalarynyń tıimdiligin taldaý maqsatynda, aqparatty jınaqtaýmen aınalysatyn saraptamalyq-úılestirý ortalyǵy qurylady. Bul ortalyq vedomstvoaralyq úılestirýdi qamtamasyz ete otyryp, ulttyq deńgeıdegi barlyq júıemen jumys jasaıdy. Eske salaıyq, jalpy otyrysta «Qazaqstan Respýblıkasy men Halyqaralyq qaıta qurý jáne damý banki arasyndaǵy Qaryz týraly kelisimdi (Ónimdi ınnovatsııalardy yntalandyrý jobasy) ratıfıkatsııalaý týraly» zań jobasy maquldanǵan bolatyn.