Elimizdegi jol-kólik oqıǵasyn týdyrýda reseılik men japondyq kólikter alda tur - Prokýratýra

ASTANA. 1 tamyz. QazAqparat -Qazaqstanda jol-kólik oqıǵalaryna jıi tap bolatyn avtomobılderdiń kóshin reseılik jáne japondyq markalar bastap tur. Sonymen qatar, «AUDI», «Volkswagen», «Mercedes», «BMW» jáne «VAZ» ben «Toyota» markalary elimizdiń joldarynda kóbirek apatqa urynady eken. Bul týraly búgin baspasóz máslıhatynda Bas prokýratýranyń Quqyqtyq statıstıka jáne arnaıy esepke alý komıtetiniń prokýrory Rústem Ábdirahmanov málim etti.

Prokýrordyń málimetine súıensek, ótken jeti aıda elimizdegi jol apatyn eń kóp týdyrǵan «VAZ» (1644 birlik) jáne «Toyota» (1364 birlik) bolyp otyr. Budan keıingi oryndardy «AUDI», «Volkswagen» (966), «Mercedes» (889), «Mitsubishi» (522), «BMW» (415) jáne «Daewoo» (396) avtomarkalary ıelenedi.

«Áıtse de, jol apattarynyń sebepteri áli de bolsa, jol kólik erejelerin óreskel buzatyn júrgizýshilerdiń kinásinen oryn alyp jatady. Onyń ishinde jyldamdyqty arttyrý, qarsy baǵyttaǵy jolǵa shyǵý, jol belgileri men talaptaryna baǵynbaýdyń aqyry apatqa soqtyrýda», - deıdi R.Ábdirahmanov.