Elimizdegi jeńil kólikterdiń 50 paıyzǵa jýyǵy eski

NUR-SULTAN. QazAqparat – Qazaqstanda tirkelgen kólikterdiń 48,9 paıyzy 20 jyl buryn shyǵarylǵan. Mundaı derekterdi Ulttyq statıstıka bıýrosy keltirdi, dep habarlaıdy QazAqparat tilshisi.

Atalǵan organnyń dereginshe, qazaqstandyqtardyń tek 6,8 paıyzy shyǵarylǵan merzimi 3-7 jyl aralyǵyndaǵy kólikterdi minedi.

«2022 jylǵy maýsymda Qazaqstanda 95 801 jeńil kólik esepke qoıyldy. Bul – byltyrǵymen salystyrǵanda 6,5 paıyzǵa az.

Jalpy, el boıynsha 3 mln 907,2 myń kólik bar. Jeńil avtomobılder Almaty oblysynda kóp. Onda 501,5 myń kólik tirkelgen. Odan keıin tizimde Almaty (463,7 myń kólik) jáne Nur-Sultan (285,4 kólik) qalalary tur. Al, jeńil avtomobılder eń az óńir – Qyzylorda oblysy. Atalǵan aımaqta 97,3 myń kólik tirkeýge alynǵan», - dep málim etti Ulttyq statıstıka bıýrosy.

Elimizde tirkeýge qoıylǵan temirtulparlardyń 86,7 paıyzy benzınmen qozǵalady. Aralas otynmen júretin kólikterdiń úlesi – 9,1 paıyz.