Elimizdegi uıaly baılanys naryǵy básekege qabiletti
«Búgingi kúni uıaly baılanys naryǵynda bes saýda belgisin ıelenetin 3 operator bar. Taldaý qorytyndysy boıynsha eldi mekenderdi uıaly baılanys jáne Internet jelisine qol jetkizý qyzmetterimen qamtýda kórsetilgen uıaly baılanys operatorlary arasynda teńgerimsizdik baıqalmaıdy. Budan basqa, radıojıilik spektrin tıimdi bólý maqsatynda Halyqaralyq elektr baılanysy odaǵynyń usynymdaryna sáıkes osy jyldyń mamyr aıynda Qazaqstan Respýblıkasynyń radıoqyzmetteri arasynda barlyq maqsattaǵy radıoelektrondyq quraldarǵa arnalǵan 3 kGts-ten 400 GGts-ke deıingi jıilikter aýqymynda jıilikter beldeýin bólý kestesi qaıta qaraldy», - dep atap ótedi Úkimet basshysy jaýabynda.
Onyń dereginshe, 2022 jyldyń jeltoqsanynda 3600-3800 MGts dıapazonyndaǵy eki lot boıynsha jıilik dıapazondaryn taǵaıyndaý boıynsha alǵash ret aýktsıondar ótkizildi.
«Álemdegi halyq tyǵyzdyǵynyń kórsetkishteri tómen elderdiń birine jatatyna qaramastan, Qazaqstan Birikken Ulttar Uıymynyń «Telekommýnıkatsııalyq ınfraqurylym» ındeksi sheńberinde 65-shi orynda. Osylaısha, aǵymdaǵy jaǵdaıdy eskersek, eldegi uıaly baılanys naryǵy básekege qabiletti», - dedi Álıhan Smaıylov.