Elimizdegi ulttyq parkter aýmaǵyna kameralar ornatylady

ALMATY. QazAqparat – Іle Alataý ulttyq parkine 30 «Eko-Sergek» kamerasyn ornatý josparýda. Bul týraly ulttyq parktiń janyndaǵy Qoǵamdyq keńes otyrysynda QR Ekologııa, geologııa jáne tabıǵı resýrstar mınıstri Erlan Nysanbaev aıtty, dep habarlaıdy QazAqparat tilshisi.

«Alqashqy kameralar Úlken Almaty men Túrgen shatqalyna qoıylmaq. Sosyn «Kólsaı kólderi» ulttyq parkindegi Qaıyńdy men Kólsaı kólderi aýmaǵy josparlanyp otyr. ıAǵnı, ádette adam kóp jınalatyn jerler baqylanady»,- dedi vıtse-mınıstr jınalys barysynda.

«Sergek» kameralaryn baǵanalarǵa nemese jaryqtandyrý men telefon baılanysy tirekterine, ulttyq parkterdiń kireberisine ornatýǵa múmkindik bar. «Sergek» baǵanalarǵa 6 metr bıiktikke ilinedi de, júıede jel generatory, kún paneli, sıgnal qabyldaǵysh antenna bolady. «Eko-Sergekten» taraǵan dabyl men vıdeony arnaıy jedel basqarý ortalyǵy qabyldaıdy.

«Eko-Sergek» kamerasyn ornatýdyń maqsaty - ınspektorlarǵa parkter aýmaǵyn baqylaýǵa kómektesý. Sebebi kelýshiler óz arttarynan jıi qoqys qaldyrady, temeki tuqylyn tastaıdy, jaqqan ottaryn óshirmeı, órtke sebepker bolady. Vandalızm faktileri de kezdesedi»,- dep túsindirdi Erlan Nysanbaev.

Onyń aıtýynsha, kameralar tek týrısterdi tártipke salyp qana qoımaı, órt shyqqan kezde jedel dabyl qaǵyp, jyldam áreket etýge kómektesedi. Sonymen qatar, zańsyz aǵash kesý faktilerin anyqtap, ekoposttar qyzmetiniń ashyqtyǵyn baqylaýǵa bolady.

«Budan bólek «Eko-Sergekter» qyzyl kitapqa engen janýarlar mekendeıtin ulttyq parkter aýmaǵynda brakonerlermen kúres úshin de taptyrmas qural»,– dep atap ótti spıker.