Elimizdegi sýmen jabdyqtaý jelileriniń shamamen 24 paıyzy kúrdeli jóndeýdi qajetsinedi
Bul týraly búgin QR Prezıdenti janyndaǵy Ortalyq kommýnıkatsııalar qyzmetindegi brıfıngte QR Ulttyq ekonomıka vıtse-mınıstri Qaıyrbek Óskenbaev aıtty.
«Respýblıkadaǵy sýmen jabdyqtaý jelileriniń jalpy uzyndyǵy 61 myń shaqyrymdy quraıdy. Onyń 24 paıyzy kúrdeli jóndeýdi nemese tolyǵymen aýystyrýdy qajet etedi», - Q.Óskenbaev.
Vıtse-mınıstrdiń alǵa tartqan derekterine sáıkes, sý burý júıesiniń uzyndyǵy 15 myń shaqyrymǵa teń.
«Statıstıkalyq derekterge sáıkes, bizdiń halqymyzdyń sany 17, 4 mln. adamdy quraıdy. Onyń 13,4 mln. adamy nemese 77,4 paıyzy ortalyqtandyrylǵan sýmen jabdyqtaý júıesimen qamtamasyz etilgen. Bul rettegi qala halqynyń sany 8,2 mln. adam nemese 86 paıyz. Aýyldy jerlerde ortalyqtandyrylǵan sýmen jabdyqtaý júıesine qosylǵan halyq sany 5,2 mln. adam nemese 66,9 paıyz. Jekelegen sýmen jabdyqtaý júıesin 3,9 mln. adam nemese halqymyzdyń 22,5 paıyz paıdalanady. Onyń ishinde qala halqy 1,3 mln. adamdy nemese 14 paıyzdy, al aýyl turǵyndary 2,6 mln, adamdy nemese 33 paıyzdy quraıdy», - dedi ol.