Elimizdegi sý qubyrlarynyń 43%, káriz jelileriniń 55%-y tozǵan

ASTANA. QazAqparat – Respýblıka boıynsha sý qubyrlarynyń 43%, káriz jelileriniń 55%-y tozaǵan. Mundaı derekter Indýstrııa jáne ınfraqurylymdyq damý mınıstrligi ashyq talqyǵa shyǵarǵan «2023-2029 jyldarǵa arnalǵan turǵyn úı-kommýnaldyq ınfraqurylymyn damytý tujyrymdamasynda» keltirilgen, dep habarlaıdy QazAqparat tilshisi.

«Jergilikti atqarýshy organdardyń 2023 jyldyń basyndaǵy jedel derekteri boıynsha respýblıkada 98 myń km sý qubyry jelileri jáne jáne 17 myń km káriz jelileri bar. 2022 jyldyń qorytyndysyna sáıkes, sý qubyry jelileriniń ortasha tozýy – 43%, káriz jelileriniń tozýy – 55%. Tutastaı alǵanda, 25 jyldaǵy senimdi paıdalanýdyń normatıvtik merzimine súıene otyryp, shamamen 51 km jeli kúrdeli jóndeýdi nemese olardy tolyq aýystyrýdy talap etedi», - delingen tujyrymdamada.

Buǵan qosa, tujyrymdamada aýyz sýdyń sapasyna qatysty da másele kóterilgen. Atap aıtqanda, ótken jyly qubyrlardan alynǵan aýyz sý synamasynyń 3,9%-y sanıtarlyq talapqa saı bolmaı shyqqan.

Qujat 15 naýryzǵa deıin kópshilik talqylaýda bolady.