Elimizdegi lombardtar men mıkroqarjy uıymdaryna 5,7 mln teńge aıyppul salyndy

NUR-SULTAN. QazAqparat - Qarjy naryǵyn retteý jáne damytý agenttigi Nur-Sultan, Almaty, Shymkent qalalarynda jáne oblystyq ortalyqtaryndaǵy mıkroqarjy uıymdary men lombardtardyń qyzmetine monıtorıng júrgizdi, dep habarlaıdy QazAqparat vedomstvonyń saıtyna silteme jasap.

Agenttik 2020 jylǵy jeltoqsanda halyqpen ózara is-qımyl jasaıtyn qarjy jáne ózge de uıymdardyń jarnama qyzmetiniń alaıaqtyq jáne basqa da yqtımal zańsyz áreketter turǵysynan júıelik monıtorıng júrgizdi.

Nátıjesinde mıkroqarjy uıymdary men lombardtarǵa qatysty jalpy somasy 5,7 mln teńge aıyppul salynyp, 30 ákimshilik jaza qoldanyldy, 9 jazbasha uıǵarym shyǵardy.

«TAS CREDIT» mıkroqarjy uıymy» JShS-na buqaralyq aqparat quraldarynda jarııalanǵan kúngi qyzmetine sáıkes kelmeıtin jarnamany taratý nemese ornalastyrý túrindegi ákimshilik quqyq buzǵany úshin 416 700 teńge aıyppul salyndy.

Qazaqstan zańnamasynda belgilengen tártippen eseptelgen jyldyq tıimdi syıaqy mólsherlemesin kórsetpegeni úshin «Lombard «Pıatachok» JShS, «Lombard Doverıe» JShS, «0,18% Lombard» JShS, «Altyn Lombard» JShS, «Lombard Kredıt kz» JShS, «LOMBARD STOLIChNYI KZ» JShS, «Tez Lombard» JShS, «Tsıfra Lombard» JShS, «Ekspress zaım MQU» JShS, «Lombard «Srochno dengı» JShS, «Lombard Status&Ko» JShS, «Lombard «Narodnyı KZ» JShS, «Lombard «Agat-T» JShS-laryna jalpy somasy 4,7 mln teńge aıyppul túrinde 27 ákimshilik jaza qoldanyldy», delingen habarlamada.

«Mıkroqarjylyq qyzmet týraly» zańda kózdelmegen qyzmetti júzege asyrǵany úshin «Lıder – Kapıtal 168» MQU» JShS-na 555 600 teńge aıyppul túrinde 2 ákimshilik jaza qoldanylǵan.

Sonymen qatar, «Adıl-Lombard» JShS, «Aı-N Lombard» JShS, «Lombard-Qarjy» JShS, «Lombard «ULY ShYŃ» JShS, «Gold-ıÝg-Lombard» JShS, «Lombard «Komfort» JShS, «Ońtústik Fınans-Resýrs» kredıttik seriktestigi» JShS, «Creditum» mıkroqarjy uıymy» JShS, «TESQUA FINANCE» MQU» JShS-laryna mıkrokredıt berý týraly úlgi sharttardyń zań talaptaryna sáıkes bolmaǵany úshin 9 jazbasha uıǵarym jiberildi.

Budan basqa, qaıta tirkeýden ótpegen jáne eseptik tirkeýden ótý úshin ótinish bermegen lombardtarǵa qatysty agenttiktiń óńirlik basqarmalary májbúrlep taratý týraly shaǵym-talap jumysyn jalǵastyrýda.

«2020 jylǵy jeltoqsanda ekinshi deńgeıdegi bankterge, baǵaly qaǵazdar naryǵynyń jáne saqtandyrý naryǵynyń sýbektilerine qatysty buzýshylyqtar, sondaı-aq zańsyz is-qımyl jáne alaıaqtyq faktileri anyqtalǵan joq», delingen habarlamada.

Halyqpen ózara is-qımyl jasaıtyn qarjy jáne ózge de uıymdardyń jarnama qyzmetine alaıaqtyq jáne basqa zańsyz áreketterdiń bolý múmkindigi turǵysynan monıtorıngteý kózderi:

- Agenttikke, onyń ishinde agenttiktiń suraý salýy boıynsha qarjy jáne ózge de uıymdar usynǵan qujattar men aqparat;

- jeke jáne zańdy tulǵalardan, memlekettik organdardan kelip túsken ótinish, qujattar men aqparat;

- qarjy jáne ózge de uıymdardyń saıttary;

- áleýmettik jeli (Facebook, Twitter, Instagram, Telegram paraqshalary);

- qarjy jáne ózge de uıymdardyń mobıl qosymshalary;

- tele-radıoarnalardaǵy, qoǵamdyq kóliktegi, merzimdi baspasóz basylymdaryndaǵy jarnama, sondaı-aq syrtqy jarnamalary.