Elimizdegi keıbir HQKO-lar kúsheıtilgen rejımde jumys isteıdi
Onyń sózine qaraǵanda, halyqqa qyzmet kórsetý ortalyqtarynyń jumysyn tıisti deńgeıde qamtamasyz etý úshin jáne el azamattaryna qolaıly jaǵdaı jasaý maqsatynda, sondaı-aq shetel azamattaryna qyzmet kórsetý turǵysynda keıbir ortalyqtardyń jumysyn kúsheıtilgen tártipte júrgizý sheshimi jasaldy.
«Bul turǵyda Astana jáne Almaty qalalaryndaǵy, Qostanaı, Batys Qazaqstan, Soltústik Qazaqstan, Pavlodar, Aqtóbe jáne Aqmola oblystaryndaǵy keıbir HQKO-lar kúsheıtilgen rejımde qyzmet kórsetýi týraly sheshim qabyldadyq», - dedi Áset Turysov Ortalyq kommýnıkatsııalar qyzmetinde.
Onyń aıtýynsha, osy HQKO-larda JSN resimdeý úshin jumys oryndarynyń sany kóbeıtildi. Bul rette Qazaqstan azamattary burynǵydaı óz qyzmetterin ádettegi rejımde alady.
«El azamattary úshin kezekti aldyn ala brondaý múmkindigi saqtalyp otyr. Ony «Mobıldi HQKO», eGov mobile qosymshalary, EgovKzBot2.0 Telegram-boty, eGov portaly arqyly jáne biryńǵaı baılanys ortalyǵynyń 1414 nómiri boıynsha jasaýǵa bolady. Qabyldanǵan sharalar Qazaqstan halqy men shetel azamattaryna shtattyq rejımde qyzmet kórsetýdi qamtamasyz etýge kómektesedi. Budan basqa, 2021 jylǵy jeltoqsannan bastap bizdiń shet elderdegi mekemelerde JSN jáne ETsQ berý boıynsha jumys júrgizilip jatyr. (TsDIAÓM, ІІM jáne SІM pılottyq jobasy)», - dedi vıtse-mınıstr.
«Qazirgi kezde rezıdent emes adamdar úshin onlaın brondaý múmkindigin shyǵarý josparlanyp otyr. Bul óz kezeginde HQKO-ǵa barýdy aldyn ala josparlaýǵa jáne júktemeni azaıtýǵa múmkindik beredi», - dedi ol.
Budan buryn habarlanǵandaı, sońǵy táýlikte Qazaqstanda JSN rásimdegen reseılikter sany kúrt artty.
RF azamattary beırezıdentke arnalǵan JSN alý úshin jappaı HQKO-ǵa baryp jatyr. Sonyń saldarynan halyqqa qyzmet kórsetý ortalyqtarynda júktemeniń artqany baıqalyp otyr.
Buǵan deıin Almatyda halyqqa qyzmet kórsetý ortalyǵy kúsheıtilgen rejımde jumys isteı bastaǵany habarlanǵan edi.